MICOLE

OS NOSOS VERSOS 

Cantarte hei, Galicia, 
teus dulces cantares, 
que así mo pediron 
na beira do mare. 

Cantarte hei, Galicia, 
na lengua gallega, 
consolo dos males, 
alivio das penas. 

Mimosa, soave, 
sentida, queixosa, 
encanta si ríe, 
conmove si chora. 

Cal ela ningunha 
tan dose que cante 
soidades amargas, 
sospiros amantes, 

Que así mo pediron, 
que así mo mandaron, 
que cante e que cante 
na lengua que eu falo. 

Que asi mo mandaron, 
que así mo dixeron... 
Xa canto, meniñas. 
Mirá, que comenzo.